رؤى ومحطات – جيشنا ردّاد المظالم – شعر.. خالد قمرالدين

__________

جيشنا ردّاد
المظالم
ما بحلّو
سَفِيه وحالم
ولما يتجمَّل
مسالم
جيشنا مدرسة
للعوالم
(بل) مدارس
والله عالم

يسلم جيشنا
دُخرينا
دُخري بلادنا
ينعم درعنا
حامينا
من حرامينا
حامي ولادنا
دا الفازعنا
فيهو مرادنا

ما هو مننا
ونحن منو
جيشنا ولادنا
وشعب بلادنا
جيشنا مصيرنا
هو خيرنا وزادنا

الجيش حاشاهو
الذل والخوف
ايد بتعمّر
حد الشوف
وإيد مبسوطة
سِلال وظروف
عين تنشين
وكلاشنكوف

إيد بتغازل
دكتوريوف
ايد بتسيّر
وإيد بتدوّن
والله يهون
شيتا ذاتو
هو ما معروف

مما قام ماسك
في وطنو
سدّوها رجال
راكزين ما وهنو
دارين بالحال
للحاصل فطنو

ولما تحتاجي
يا بلادي يجوكي
مادين الايادي
يجوكي رافعين
الايادي
ما في بينهم
لون رمادي

دا العميد الكان
قبيل بيخطط
ويرسم
يتقدم القوات
ويهجم
في جبل
سركاب بغادي
رجالة دحروها
الاعادي

جيش مقاتل
وكلو هِمة
جميل وباسل
وعندو ذِمة
راعي فرضو
صباحو بيس وعم

جيشنا رداد
المظالم
ما بحلّو
سَفِيه وحالم
ولما يتجمل
مسالم
جيشنا مدرسة
للعوالم
(بل) مدارس
والله عالم .